De compositione medicamentorum secundum locos, 9.7, ed. Kühn, 1826, vol. 13, p. 313-315. urn:cts:greekLit:tlg0057.tlg076.1st1K-grc1:9.7

5. Περὶ αἱμοῤῥοΐδων. Τὰ ἐν τῷ πέμπτῳ τῶν
6. ἐκτὸς ὑπὸ Ἀσκληπιάδου γεγραμμένα περὶ αἱμοῤῥοΐδων ἐπὶ
7. λέξεως τῆς ὑπογεγραμμένης. ἐπεὶ δὲ τῶν αἱμοῤῥοΐδων αἱ
8. πολλαὶ χρείαν ἔχουσιν ἐκστροφῆς πρὸς εὐχερῆ τῶν φαρμάκων
9. ἐπίθεσιν, ἀναγκαῖον καὶ τὰς τοιαύτας δυνάμεις ὑπογράφειν.
10. ἐκστρόφια αἱμοῤῥοΐδων Μάγνου Ταρσέως, φάρμακον
11. ἐπιτετευγμένον πρὸς τὰς τῶν αἱμοῤῥοΐδων ἐκστροφάς.
12. ♃ πεπέρεως, νίτρου ἀνὰ 𐅻 α΄. λείοις παράπτου πρὸ τῆς
13. τῶν φαρμάκων ἐπιθέσεως. ἄλλο. ♃ ἀφρονίτρου, χολῆς ταυρείας,
14. σταφίδος ἀγρίας ἀνὰ 𐅻 α΄. λείοις παράπτου, μέλιτος
15. ὀλίγον πρόσβαλλε. ἄλλο. ♃ ἀψινθίου χυλοῦ 𐅻 α΄. χολῆς
16. ταυρείας, σταφίδος ἀγρίας ἀνὰ 𐅻 α΄. ἄλλο ὡς Διογένης.
17. ♃ κυκλαμίνου χυλοῦ, μέλιτος, ἑκάστου ἴσον, ἕψε ἐν ἀγγείῳ
1. χαλκῷ, ὥστε κηρωτῆς ὑγρᾶς ἔχειν τὸ πάχος. ἄλλο ἐκ τῶν
2. Λάργου, ὥστε τὰς μόγις προπιπτούσας ἐκστρέφειν αἱμοῤῥοΐδας.
3. ♃ κενταυρείας χυλοῦ 𐅻 β΄. στυπτηρίας ὑγρᾶς 𐅻 β΄.
4. μίσυος 𐅻 α΄. σταφίδος ἀγρίας 𐅻 α΄. μέλιτι ἀναλάμβανε καὶ
5. περίχριε τὸν δακτύλιον ἢ ἔριον καταβρέξας εἰς τὴν ἕδραν
6. ἐπιτίθει. εἰ δὲ προθυμίαν ἐμποιοῖ σοι τὸ φάρμακον ἐξαναστάσεως
7. καὶ προπέσοι ὁ ὄγκος, κατάπλαττε τοῖς πρὸς αἱμοῤῥοΐδας
8. ἀναγεγραμμένοις, ἐπειδὴ ὑπὸ τῶν τοιούτων εὐχρήστων
9. τὴν ἕδραν ἐκστρέφει, ἀναγκαῖον ἀναγράφειν σκευασίας
10. παρὰ Νικοδήμου τοῦ ἐν Ῥώμῃ εὐαφίου. ♃ ψιμυθίου γο α΄.
11. λιθαργύρου γο ε΄. καδμείας γο η΄ ἢ πομφόλυγος γο α΄. ἐλαίου
12. μυρσίνου γο η΄. οἴνου καλοῦ γο η΄. βουτύρου γο α΄. πρὸς
13. τὰς ἐν ἕδρᾳ φλεγμονὰς καὶ προπτώσεις. κηκίδα τὴν ξανθὴν
14. ἑψήσας καὶ λειώσας κατάπλασσε, ἰσχυροτέρῳ μὲν οἴνῳ,
15. πρᾳοτέρῳ δὲ ὕδατι, καὶ ὁ χυλὸς τῆς ἐχίνου ποιεῖ πρὸς φλεγμονὰς
16. καὶ προπτώσεις τῆς ἕδρας. ἄλλο. ♃ πίτυος φλοιοῦ
17. 𐅻 η΄. κυπαρίσσου σφαιρίων ξηρῶν 𐅻 β΄. προαπονίψας οἴνῳ 
1. στρυφνῷ λείοις κατάπλασσε. πρὸς δὲ τὰς πυρώδεις ὀδύνας
2. τῆς ἕδρας, ὠοῦ ὀπτοῦ λέκυθον λειώσας οἴνῳ λευκῷ καὶ ῥοδίνῃ
3. κηρωτῇ ἀναλαβὼν διάχριε. πρὸς δὲ τοὺς κνησμοὺς, τὴν
4. κιμωλίαν λειώσας ἀναλάμβανε κηρωτῇ μυρσίνῃ. πρὸς δὲ τὰς
5. ἐν δακτυλίῳ καὶ αἰδοίῳ ῥαγάδας, σποδοῦ ξυσμάτων ὀθονίων
6. κεκαυμένων καὶ ἀμύλου ἴσον λεάνας καὶ ἐλαιῶν φύλλων χυλοῦ
7. μίξας κατάχριε. τροχίσκος πρὸς ἐξοχάς. ♃ ἀλόης, κρόκου
8. ἀνὰ 𐅻 β΄ S". στυπτηρίας σχιστῆς γο α΄. λείου οἴνῳ
9. Ἀμιναίῳ καὶ χρῶ.