8. Πρὸς πλευριτικούς. Φλοιοῦ ῥίζης
9. δίδου πίνειν. κυμίνου ἐπὶ τὰ ὄψα ἐπίπασον ὕδατι καὶ δὸς
10. πιεῖν. ἄλλο. πηγάνου κλωνία ε΄. δίδου λειάνας καθ᾿ ἡμέραν.
11. ἢ στοιχάδος βοτάνης τρισὶ δακτύλοις δίδου. τριφύλλου σπέρμα
12. πότιζε. πάνακος ῥίζαν πότιζε. χαμαιπίτυν ὁμοίως.
13. Πρὸς πλευρίτιδα. Εἰ μὲν οὖν ἄχρι κλειδὸς ἡ
14. ὀδύνη διατείνῃ, φλεβοτομητέον αὐτούς. εἰ δὲ εἰς ὑποχόνδριον
15. κάτω, καθαρτέον καὶ κλυσμοῖς δριμέσι χρηστέον. καὶ
16. εἰ μὲν μέτριον ᾖ τὸ ἄλγημα, μετὰ τὸ κλύσμα δοτέον αὐτοῖς
17. μελίκρατον καὶ τὸν πτισάνης ἢ τοῦ χόνδρου χυλόν· παρακμάσαντος
ㅤ
1. δὲ τοῦ πάθους, ἐμβλητέον τοῖς χυλοῖς καλαμίνθην
2. ἢ πράσιον. ποιεῖ καὶ τῆς κνίδης σπέρμα σὺν μέλιτι.
3. πρὸς τὰ δὲ σφοδρὰ τῶν ἀλγημάτων μετὰ τὴν κένωσιν παρηγορητέον,
4. ὡς ταῖς διὰ κέγχρον καὶ πιτύρων ἐν μαρσίππῳ
5. πυρίαις ἢ διὰ θερμοῦ ὕδατος ἢ ἐλαίου ἐν κύστῃ ἢ |διὰ
6. ἐρίου οἰσυπηροῦ σὺν ἐλαίῳ καὶ οἴνῳ τεθαλασμένῳ ἐπιτιθεμέναις.
7. περὶ δὲ τὴν τετάρτην ἡμέραν θρέψον τοῖς ῥοφήμασι
8. σὺν ὀλίγῳ μέλιτι. μετὰ δὲ τὴν ἑβδόμην καὶ τῇ πηγανερᾷ
9. ἐμπλάστρῳ κατὰ τῶν ὀδυνωμένων χρησώμεθα τόπων. καὶ
10. βολβοὶ δὲ σὺν ὀξυγγίᾳ τεθέντες πολλάκις ἤρκεσαν. δοτέον
11. ἔκλεγμα διὰ στροβιλίων καὶ ἀμυγδάλων πικρῶν καὶ λινοσπέρμου
12. καὶ ἀμύλου.
13. Τὸ χρίσμα καλόν. Λαβὼν βδέλλιον, κόστον,
14. κράμβης καυλοὺς καυθέντας τῇ τέφρᾳ καὶ στέατι μιγισμένα.
15. διαφορητικὸν καὶ ἰσχυρῶς ἐστὶ τὸ φάρμακον.